NAITUTULONG NG ONLINE SHOPPING SA MGA PILIPINO SA KASAGSAGAN NG PANDEMYA

Noong Marso naitala nga ang nakahahawang sakit na COVID-19 sa Pilipinas, ginulantang nito maging ang buong mundo sa pagdami at pagkalat ng kaso ng mga nagpositibo. Sa tuluyang pagdami ng kaso ng mga nagpositibo sa COVID-19 nag anunsyo si Pangulong Rodrigo Duterte at ang Kagawaran ng Kalusugan na ipatupad ang Enhanced Community Qurantine o Lockdown sa buong Pilipinas upang maiwasan at malimitahan ang pagdami ng kaso sa naturang sakit. Nang ipatupad ang Lockdown, malaki ang naging epekto nito sa mga mamimili dahil limitado lang ang mga establisyementong nakabukas at isa lang sa bawat miyembro ng pamilya ang may Quarantine Pass at maaring lumabas at ito’y pinapayagan lamang kung talagang kailangan.

Ang nakasanayan nga nating pamimili noong hindi pa lumalaganap ang Covid-19 ay ang pagpunta mismo sa mga establisyemento at palengke, ngunit ang online shopping ay isa sa mga napakagandang imbensyon na nakakatulong sa mga tao na bumili ng mga bagay sa sarili nilang mga bahay. Sa madaling salita, hindi na kailangan pang pumunta sa mga establisyimento ng mga produkto, maghanap kung saan saan, at hindi na rin kailangan tumawad upang makakuha ng mababang presyo, at higit sa lahat ay ang makipagsiksikan at pumila sa napakahahabang linya sa tapat ng bayaran, lalo na ngayong kasagsagan ng pandemya, malaking tulong ang online shopping dahil mahigpit ipinagbabawal nga ng ating gobyerno ang pagpunta sa matataong lugar tulad ng mga mall, ngunit sa pamamgitan ng online shopping mababawasan ang takot ng mga mamimili na baka mahawa sila sa virus, at mas bababa ang mga posibleng kaso ng positibo sa Covid-19. Samakatuwid, mas pinipili na ng mga Pilipino ang pagbili ng mga produkto gamit ang Online shopping dahil sa mas madali, mas abot-kaya ang presyo at mas sigurado sila sa kalitasan ng kanilang pinamili, sa ganitong sitwasyon madaling ring makakapamili ng mga gamit ang mga taong wala nang oras makapamili para sa kanilang sarili dahil sa kanilang hektik na iskedyul.

Ayon sa datos ng Philippines - ECommerce - International Trade Administration noong July 2020 pumalo na sa 76 Million ang mga online shoppers sa Pilipinas at posible pang tumaas ang bilang ng mga ito. Itinuturing din ang bansang Pilipinas bilang fastest growing app market in Southeast Asia

Karamihan sa mga mamimili na mga Pilipino ay nasiyahan sa online shopping, kung gayon na lamang ay inilalarawan itong madali (73.3 porsyento), maginhawa (71.9 porsyento), o masaya (64.4 porsyento), at nagpapahayag ng higit na posibilidad na bumili sa susunod na anim na buwan (79.2 porsyento). Datos noong Hulyo 26,2015.

Sa isang pag-aaral na ginawa ng PayPal na may pamagat na “PayPal study reveals more Filipinos are now shopping online” (2018) sinasabing inaasahan na mas dadami pa ang bilang ng mga online shopper sa Pilipinas. Ang mga nakalap na datos ay mula sa 34,000 na tao sa 31 bansa kasama na ang Pilipinas, 1,006 ang mga 18 ang edad pataas.

Noong taong 2017 sinasabi na PhP 92.5 billion ang halaga ng mga pinamili ng mga Pilipino online. At inaasahan na tataas ito sa PhP 122 billion ngayong taong 2018. At magiging 185 billion pa sa 2020 (PayPal 2018).

Sinasabi din na pangatlo ang bansang Pilipinas sa Asia Pacific na namimili online ng mga produkto sa iba’t ibang bansa. Inaasahan na mula sa 38.4 billion sa taong 2017 ay magiging 55.7 billion ang e-commerce sa bansa sa taong 2018 (PayPal 2018).

Frequency of online purchases among consumers during COVID-19 pandemic in the Philippines as of May 2020

Average ng pamimili online bawat buwan mula noong lumaganap ang COVID-19, ito ay naka ayon sa bawat kategorya ng produkto.

NARITO ANG ILAN SA MGA KILALANG APPS NA GINAGAMIT SA ONLINE SHOPPING DITO SA PILIPINAS

Makikita sa mga online shop ang iba’t ibang items tulad ng damit, gamit pang kusina, mga sapatos, at mga kilalang brands dito sa Pilipinas, halos lahat ng kailangan at gusto ng tao ay maaring bilhin dito, sobrang dali lang ng proseso dahil naka kategorya ang bawat uri ng produkto isearch lang ang partikular na gamit na gustong bilhin at iadd to cart lang ito at checkout, ang mga mamimili ay malayang pumili ng kanilang Mode of Payment kung gusto ba nilang Cash on Delivery kung saan ang mamimili ay magbabayad pa lamang kapag natanggap na nito ang kanyang order, maari ding mauna ang bayad bago matanggap ang order o mas kilala sa tawag na Payment First. Malaya din ang mga mamimili na pumili ng kanilang Courier ang mga Delivery Rider ng kompanya ang mismong hahanap ng eksaktong lokasyon ng bahay ng isang mamimili. Naka depende sa lokasyon ng mamimili kung ilang araw ang hihintayin upang matanggap ang item sa mismong bahay. May mga stratehiya ang mga online shop halimbawa nito ay ang pagbabagsak presyo ng mga bilihin o mas kilala sa tawag na Sale, o dikaya ay ang pagbibigay ng mga Vouchers, halimbawa nito ay ang Freeshipping, Coins cashback na mga Vouchers sa pamamagitan nito mas mabibili sa mababang presyo ang item, kung gayon na lamang ang pagkahumaling ng maraming Pilipino sa online shopping dahil bukod sa nakakapamili sa mababang halaga, nakapagbibigay aliw rin ito.

Mga halimbawa ng VOUCHERS na maaring gamitin upang mabili ang item sa mas mababang presyo.

MGA HALIMBAWA NG DELIVERY COURIER

Isang patunay na transaksyon ni Kerren Nicole Ocampo na umorder sa mga Online Shop sa kasagsagan ng pandemya at naging matagumpay at nasiyahan sa produktong nabili.

Feedback ng mga mamimili na umorder sa aming Clothing Shop gamit ang Online Shopping App sa kasagsagan ng Pandemya.

Paalala: Bago tumanggap ng order siguraduhing nakasuot lagi ang facemask, idisinfect ang mismong parcel at pagkatapos ay mahugas ng kamay upang maiwasan ang banta ng COVID-19 sa ating kalusugan.

Bukod sa mga Online Shop, ang isang mamimili ay maari ring mag online shopping sa pamamagitan ng Live Selling, iba na talaga ang paraan ng pamimili ngayon lalo na’t nasa kasagsagan tayo ng pandemya. Ito ay ang paraan ng pagtitinda sa mismong Live Video upang maiapakita ng maayos ang prat maipaliwang ng mabuti, karaniwang makikita ang mga gumagawa nito sa Facebook mas nakakaaliw ito dahil live mong nakakausap ang seller, para bang ikaw ay may ka video-call lamang, ang mga mamimili ay mag kokomento ng salitang "Mine" o ang Code na sasabihin ng live seller sa mismong live selling kung nagustuhan ang produkto ibinebenta, at pag sinabi ng seller ang salitang "Yours" indikasyon iyon na nakabili ka ng produkto sa live selling at maari ng magsend ang buyer ng kanyang mga deatalye, adress, pangalan, contact number upang maipadala ang produkto mismo sa bahay ng buyer sa pamamagitan ng mga Delivery Riders o di kaya ang mga mismong Live Seller.

Matagumpay na transaksyon ng isang mamimili sa pamamagitan ng Live Selling

Isa pang halimbawa ng paraan ng pagbebenta online ay ang pagpost ng mga Online Seller ng litrato ng kani-kanilang mga produkto sa Facebook, Instagram at iba pa, ang mga mamimili ay magkokomento ng salitang “mine” sa mismong post ng seller kung ang item ay kanilang nagustuhan, at pag nag reply ako seller ng salitang “yours” indikasyon ito na ang isang mamimili ang unang naka order sa produkto at maari ng magsend ng detalye, adress, pangalan upang maipadala sa mismong lokasyon ng bahay ng mamimili. Kadalasan ang mismong mga live seller ang nagdedeliver sa mga umorder o dikaya ang kanilang mga Delivery Riders, kung malayo naman ang lokasyon ng mamimili at ng seller maari ipadala ang mga produkto sa pamamagitan ng mga Delivery Courier na mismong maghahatid ng produkto sa lokasyon ng mamimili.

Isang matagumpay na transaksyon ng isang mamimili at ang Feedback nito sa Instagram account ng aming Clothing Shop.